ကျနော်က အသံပိုင်းဆိုင်ရာ ဂေါ်ကီပါ
(နိုင်ငံခြားနာမည်ပါလား----စက်ပိုင်းဆိုတော့ သည်လို ဗိုလ်ဆန်တာနေမှာ---)
ကျနော်ကတော့ စန္ဒယားတင်သိန်း
(တကယ့် အနုပညာရှင်ပဲ ရုပ်အနေနဲ့တော့ စန္ဒားတီးတတ်လိမ့်မယ်လို့တောင် မထင်မိဘူး----)
ကျနော်ကတော့ လျှပ်စစ်ပိုင်းနဲ့ပါတ်သက်ပြီး တာဝန်ယူပါတယ် စမ်းလင်းထွန်းငြိမ်း
(နာမည်ကိုက ခေါ်လို့ တယ်ကောင်းပါလား---)
ကျုပ်ကတော့ ဆိုင်းသိန်းမောင်
(မြန်မာမှုနဲ့ လိုက်ဖက်လှတဲ့ နာမည်ပါပဲ----)
ဒီတစ်ဇာတ်လုံးမှာ ကျနော်က ကြိုးကိုင်ပဲ နာမည်က တက္ကသိုလ် မိုးညို (အညတရ)
(အင်း--ဒါရိုက်တာဆိုတော့---လည်း---နာမည်ကိုက ကဗျာဆန်တာနော်---)
ကျနော်က နောက်ပိုင်းတာဝန်ယူတယ်----စန္ဒကူး ဖြိုးလဲ့အောင် (တရဖျား)
(ရှင်ဘုရင်နာမည်တောင် ပါသေးဟ ဟင်---အင်း နောက်ပိုင်းမင်းသားဆိုတော့ ခမ်းခမ်းနားနား ရှိပေမပေါ့---)
ပွဲ(၂)ညကပြီး၊ ပြန်ကြတော့မည်။ ပစ္စည်းတွေရောလူရော အားလုံးကားပေါ် ရောက်ပြီ၊
ရပြီကားဆရာရေ မောင်းတော့---ဇာတ်ဆရာရဲ့အသံနှင့်အတူ ကားဘီးစလိမ့်ပြီ
တစ်ယောက်က စခန်းထလာသည်၊
အောင်မလေးဟဲ့ ငါ့မှာတော့ အဟုတ်မှတ်ပီး ဂေါ်ကီဆိုလို့ နိုင်ငံခြား နာမည်များ မှည့်ခေါ်ထားတယ်အောက်မေ့နေတာ လတ်စသတ်တော့ တစ်ညလုံး အသံချက်စက်က ဂေါ်ကွီ ဂေါ်ကွီနဲ့ ခဲနဲ့ အထုခံရတာ နည်းတောင်နည်းသေးတယ်
ငါ့မပြောပါနဲ့ မင်းကတော့ရော စန္ဒယားတင်သိန်းဆို ဇာတ်ခုံပေါ် စန္ဒယားတင်တာနဲ့ စန္ဒယား သိမ်းတာကိုများ ဆိုင်းသိမ်းမောင်နဲ့ ဘာထူးလဲ အလကားဖွတ်တွေ
ဟေး ဟေး ကိုယ့်ဟာကိုယ် ဖြစ်ကြ ငါ့ဆွဲမထည့်နဲ့ ငါလည်း ဆိုင်းတီးတတ်တယ်လို့ မပြောမိပေါင်ဗျာ မင်းတို့ဘာသာ မင်းတို့ ထင်နေတာတော့ မတတ်နိုင်ဘူး၊
ထင်မှာပေါ့ဗျ ခင်ဗျားပြောတဲ့လေသံကိုက ဘဝင်လေဟပ်နေတဲ့ အသံကိုး ပီးတော့မှ ဆိုင်းပစ္စည်းတွေ သေတ္တာထဲ ထည့်သိမ်းတဲ့ ဆိုင်းသိန်းမောင်
မင်းလို စမ်းရင် လင်းပြီး ထွန်းရင် ငြိမ်းသွားတဲ့ မီးလုံးတွေလောက် ရုပ်မပျက် ပီးတာပဲကွာ
ဟာကွာ ဟေ့လူတွေ ခင်ဗျားတို့ တော်ကြတော့ဗျာ သည်မှာ အိပ်ရေးပျက်လာတယ်ဗျ၊ အေးဆေး အိပ်ပါရစေ မဆူကြပါနဲ့
ဆူတော့ မင်းက ဘာလုပ်ချင်လဲကွာ၊ မင်းတစ်ယောက်တည်း အိပ်ရေးပျက်တာ မဟုတ်ဘူးကွ၊ အားလုံး အတူတူ ပျက်တဲ့လူကြီးပဲ၊ ငါလည်း ငါ့ဟာငါ အေးဆေးဆေး နေတာကွ ငါ့လာ ဆော်ကားလို့ ငါပြန်ပြောနေတာ
အဲဒါကြောင့် ပြောတာလေ၊ ခင်ဗျားတို့လည်း အိပ်ပေါ့၊ အတူတူနဲ့ အနူနူခြင်းဆိုရင် သိတတ်တရားရှိမှပေါ့ဗျ၊ ဒီလောက် ဆူညံနေတာ အိပ်လို့ မရဘူး တော်ကြတော့
အောင်မာကွာ--သူ့ကိုယ်သူ တစ်ဇာတ်လုံးမှာ ကြိုးကိုင်ဆိုပီး ကားလိပ်ဆွဲနေ တဲ့ကောင်က လူပါးဝလို့ မင်းကိုယ်မင်း အဟုတ်မှတ်မနေနဲ့ မသိခဲ့လို့ ဒါရိုက်တာမှတ်ပြီး အသာငြိမ်နေခဲ့တာကွ၊ သိပြီဆိုတော့ ဟေ့ကောင် ကားလိပ်ဆွဲက ကားလိပ်ဆွဲပဲ လာဆရာမလုပ်နဲ့ ဆူတယ်ကွာ မင်းဘာလုပ်ချင်လဲ၊ ကိုင်းကွာ ဘယ်ကောင်မိုက်လဲ ချမလား အခု ကားရပ်လိုက်စမ်း
ဘာလဲ ဘာလဲ ခင်ဗျားက လူမိုက်လား လာ ကျုပ်နဲ့ ချမယ် အခု အောက်ဆင်းလိုက် ငြိမ်နားထောင်နေလို့ အကောင်းမမှတ်နဲ့
အေး ကြိုက်ပြီဟေ့ကောင် ဟေ့ ကားရပ်လိုက်စမ်းဟေ့၊ ဆိုင်းသိန်းမောင်ကွ အေးရင် ရေခဲတုံးက အဖေခေါ်ရတယ်မှတ်၊ အေး ပူပီဆိုလို့ကတော့ မီးကြီးခဲတောင် ဖျာလိုခင်းအိပ်မယ့်ကောင် ခွေးမသား ဆင်းလေကွာ ဘာ စန္ဒကူး ဖြိုးလဲ့အောင် (တရဖျား) ဟုတ်လား နောက်ဖေးထမင်းချက်တဲ့ကောင်၊ ဆန်တစ်ဘူးခိုးတဲ့ကောင် အရက်သမား ခုဆင်း
လာ ပါ လာပါ ခင်ဗျားကြီး သေချင်းဆိုးနဲ့ သေဘို့သာ ပြင်တော့ ကျုပ်နာမည်ကို ဖျက်တဲ့ ခွေးသူခိုးကြီး တွေ့ကြသေးတာပေါ့
ဟေး ဟေး ကားရပ်ပေးလိုက်စမ်း ရပ်ပေးလိုက်စမ်း ဆင်းကြ ခုဆင်းကြ ကောင်းတယ် မြေကြီးပေါ်မှာ မင်းတို့ သေသေ ကျေကျေ ချကြစမ်း၊ သေတဲ့ကောင် ရွာက လာပီး မြေမြုပ်ပေးလိမ့်မယ် ၊ နှစ်ယောက် လုံး သေနေရစ်ခဲ့လည်း အေးတာပဲ၊ မောင်း ကားဆရာ မောင်းတော့ ထားခဲ့လိုက်
ဇာတ်ဆရာက အဲသလိုလည်း ပြောလိုက်ရော ကားက ဝူးကနဲ မောင်းအထွက်၊ မြေကြီးပေါ် ရောက်နေ တဲ့ လေးလုံးသံ ခြောက်ပေါက်နဲ့ ဘယ်ညာ မြှောက်နေတဲ့ ဘသချော နှစ်ယောက်လည်း
နေဦး ကား ဆရာ နေပါဦး ကျုပ်တို့ ပါ လိုက်မယ်
ဆိုပြီး ဖုံလုံးကြီးတွေနောက်က ဒရောသောပါး ပြေး၍ လိုက်လာကြလေတော့သတည်း။
(၈၆-ခုနှစ်၊ ဇာတ်အဖွဲ့ တစ်ဖွဲ့နှင့်အတူ မုံရွာဒီပဲရင်း (ဟိုးယခင်က ထိုရွာနည်မည်သည် ယခုလောက် နာမည်မကြီးသေးပါ) ရွာကလေးသို့ လိဒ်ဂစ်တာ တီးသူနှင့် ဘာမှ မဆိုင်ဘဲ လိုက်ပါသွားခဲ့စဉ်က အကြောင်းလေးကို မှီးပီး ဆန်းသစ်ပါသည်၊ အဲဒီအကြောင်းလေးကိုလည်း အလျဉ်းသင့်တဲ့ အခါ ဖော်ပြပေးပါမည်၊ နည်းနည်းတော့ သဘောပါလောက်ပါပြီ ပွဲတိုင်းကျော် တေလေဂျပိုးဆိုတာ)
No comments:
Post a Comment