[ ရယ်စရာ ကောင်းသော ပြက်လုံးများ (၁၆) ]
ဘဝက အတော်ကို ဆိုးပါတယ်ကွာ အီးတောင် ကျယ်ကျယ် မပေါက်ရဲဘူး
ဘာဖြစ်လို့လဲ
သိပ်လှတဲ့ ကောင်မလေးတစ်ယောက်နဲ့ ထိုင်စကားပြောနေလို့
[ ရယ်စရာ ကောင်းသော ပြက်လုံးများ (၁၇) ]
---ဟဲ့ ကောင်မလေး လာစမ်း
ဟုတ် ဦး
နင်--အခု ဆိုပီး ကသွားတဲ့ သီချင်းက ဘာ သီ ချင်း
ချစ် သူ ဝိုင်း ဝိုင်း လည်
အောင်မယ်--နင်က ချစ်သူ ဝိုင်း ဝိုင်း လည် သီချင်းကို ဆိုရအောင် ဘာလဲ နင့်မှာ ချစ်သူတွေ ဘာတွေ ရှိနေပီလား
ရှိတာပေါ့ ဦးရဲ့
ငါ ပါး ပိတ် ရိုက် လိုက် ရ
အမလေး---ဘာ လဲ --- ပါးက အပေါ်မှာလေ ဦး ရဲ့
သိတယ် လျှာမရှည်နဲ့---ဒေါ်ခြုံပြောတဲ့ မှော်ရုံတောကနေ ဖြတ်ပြီး လက်က လာမှာ၊ နေပါဦး--ညည်းက ချစ်သူထားရအောင် အခု အသက်ဘယ်လောက်ရှိပြီလဲ
သမီး အသက် အခု ၁၉ နှစ်
အေး ညည်းက ငါ့ ထက် ကြီး သဗျ
ဘာ လဲ
အသက်လေ ဟာ အသက် အသက်
ဦး အသက်က ဘယ်လောက်လဲ၊ မယုံပေါင်
အဟုတ်ပြောတာ နင်က ငါ့ထက်ကြီးသဗျာ၊ အခု ငါလေ ၁၈နှစ်ကျော်လို့ ၁၉ နှစ်ကလေးထဲကို ဝင်မလို့ ချိန်နေတာ ရွစိကိုတက်လို့--အဟက် ဟက်
နှာ ဘူး ကြီး
[ ရယ်စရာကောင်းသော ပြက်လုံးများ (၁၈) ]
ပြောလို့ ပြောတာဟုတ်ဘူး ငါတို့ မျိုးရိုးက စာရေးဆရာ မျိုးရိုးကွ
ဟုတ်လား
ငါတို့ အဘိုးဆို ရွှေမန်းတင်မောင် ဇာတ်မှာ နောက်ပိုင်းဇာတ်ထုပ် တစ်ချို့တစ်ဝက်တောင် ရေးဘူးသေးတယ်
တစ်ပုဒ်လုံးလည်း မဟုတ်ဘူး တစ်ချို့တစ်ဝက်တဲ့ ဘယ်ဇာတ်ထုပ်လဲ ပြောပြပါဦး
မင်းကြီးများ---ဘုရား ဆိုတဲ့ ဇာတ်ထုပ်ထဲမှာ ပါတဲ့ စကားလုံးလေ ဒါ့ကြောင့် တစ်ချို့ တစ်ဝက်လို့ ပြောတာပေါ့
အထင်ကြီးစရာ အလွန်ကောင်းဗျား၊ သတ်စေ ဆိုတဲ့ စကားလုံးတောင် မင့်အဘိုး ရေးခဲ့သလားတောင် မသိဘူး
မနောက်ပါနဲ့ကွ၊ ပီးတော့ ဦးလေးဆိုလည်း ခေသူမဟုတ်
ဘယ်လို ခေသူမဟုတ်တာလဲ
ဇာတ်ပွဲရှိပြီဟေ့ဆို သူ့ရေးချက်တွေဆိုတာ မပါမဖြစ်
ဟုတ်လား---ဘာစာတွေများလဲ
ကျား-မ ဆိုတာလေ--နောက်ဖေး မှာ ရေးတာ သူပေါ့
ဖနောင့်နဲ့ ပေါက်ချင်လောက်အောင်ကို အထင်ကြီးလာပဟေ့
နေဦး ရှိသေးတယ်၊ အခု သတင်းစာတွေမှာ အကျိုးပြု စာတွေရေးနေတဲ့သူဆိုတာ ဘယ်သူမှတ်တုန်း
သိဘူး---အဲဒါ ဘယ်သူတုန်း
အဲဒါ ငါ့ ဘကြီး၊ မင်း စာမဖတ်တာ သိသာတယ်၊ အလိမ္မာစာမှာရှိတဲ့ကွ၊ စာဖတ်စမ်းပါ၊ ငါ့ဘကြီး စာတွေ ဖတ်ရရင် မင်း ဖျားသွားမယ်
မင့်ဘကြီးက ငှက်ဖျားအကြောင်းတို့ကြက်တုတ်ကွေး ငှက်တုတ်ကွေး အကြောင်းတွေ ရေးတာမို့လို့လား
မင်းက လှောင်တာလား၊ ထောင်တန်တဲ့စကား ရယ်ရင်ပေါ့တဲ့ကွ၊ ငါ အကောင်းပြောနေတာ
ဟုတ်ပါပြီ၊ ရှာကျန်ဖတ်ပါ့မယ်၊ ပြောပါဦး ဘယ်လိုမျိုး နိုင်ငံ အကျိုးပြု စာတွေဆိုတာ
မင်းသိတော့ သိမှာပါ ဟိုလေ--သင့်သွေးဖြင့် အသက်ကယ်ပါတို့၊ လူကူးမျဉ်းကျားကကူးပါတို့၊ ဥတုရာသီ တောကိုမှီဆိုတာတွေလေကွ အဲဒါ အကျိုးပြုတွေပဲ ငါ့ဘကြီး ရေးတာ
မင်းဘကြီး ရေးခဲ့တဲ့ အကျိုးပြုစာ ဟား ဟား ဟား ဟား
ဟာ--ဒီကောင်၊ ခက်ပါလား၊ အလကားနေရင်း ရယ်နေတယ်၊ အရူးလားမသိဘူး၊
[ ရယ်စရာကောင်းသော ပြက်လုံးများ (၁၉) ]
မနက်ဖန်မှာ ငါရန်ကုန်ကို သွားစရာရှိတယ်၊ အဲဒါ ငါ ဒီရက်ပိုင်း စာတိုပေစတွေ တင်နိုင်မယ် မထင်ဘူး
ဝမ်းသာလိုက်တာကွာ--မျက်စိနောက် သက်သာပေါ့ဟ ၊ ဒါနဲ့ ရန်ကုန် ဘာလုပ်
ငါတို့ ဘောစိ မွေးနေ့ အဲဒါ ဖိတ်လို့
မိုက်လှချည်လား----ဘယ်နှစ် နှစ်မြောက်တဲ့လဲ
သိဘူးကွ---ဖိတ် တယ် ဆိုတော့လဲ သွားရတာပေါ့ကွာ
မင်းဟာကလဲ ---အင်း---တကူးတက ဖိတ်တယ်ဆိုတော့ ကြီးကြီးကျယ်ကျယ် လုပ်မလို့နေမှာပေါ့ကွ---ဘယ်မှာ လုပ်မှာတဲ့လဲ
အဲဒါလည်း မသိဘူး
နေပါဦး မင်း ကိုယ့် ဘောစိကိုယ်ရော မြင်ဘူးရဲ့လား၊ သိရော သိရဲ့လား
အင်း--မြင်ဘူးပါတယ် သိလည်း သိပါတယ် ဘာလို့လဲ
အော် တော်သေးတာပေါ့ မင်း မသိတာတွေ များနေလို့
ငါကတော့ သူ့ကို သိတယ်ကွ၊ သူကသာ ငါ့ ကို မသိတာ
နောက်ထပ် မင်း သိတာ ဘာရှိသေးလဲ ပြောပြပါဦး
သိတာ ဘာရှိသေးလဲဆိုတာကို ဘယ်လို ပြောရမှန်းကို ငါမသိဘူး
တိန်---
[ ရယ်စရာကောင်းသော ဟာသ ပြက်လုံးများ (၂၀) ]
အဌာရသ (၁၈)ရပ်ထဲမှာ ဟာသဆိုတာ ပါတယ်ဆို
ပါ တယ် လေ
(၁၈)ရပ်စလုံး မင်းသိလား
သိတာပေါ့
ပြောပြပါ့လား ဘာတွေလဲဆိုတာ
၁။ အကြားအမြင်သုတ အတတ်၊
၂။ ဓမ္မသတ်တတ်ကျွမ်းမှု အတတ်၊
၃။ သချာင်္ဆိုင်ရာ အတတ်၊
၎။ စူး၊ ဆောက် အစရှိသော ဗိသုကာ အတတ်၊
၅။ လောကနီတိ အတတ်၊
၆။ ယတြာ အတတ်၊
၇။ ကဗျာ၊ ဂီတ၊ လင်္ကာ၊ ပညာ အတတ်၊
၈။ လက်ပစ် အတတ်၊
၉။ လေးမြှား အတတ်၊
၁၀။ စကားဟောင်း ရှေးကျမ်းဂန် အတတ်၊
၁၁။ ဆေးပညာ အတတ်၊
၁၂။ ရယ်ရွှင်ဖွယ် (ဟာသ) အတတ်၊
၁၃။ ဗေဒင် အတတ်၊
၁၄။ လှည့်ပတ်ဖြားယောင်းတတ်သော မာယာ အတတ်၊
၁၅။ ဆန်းကျမ်း အတတ်၊
၁၆။ သံတမာန် အတတ်၊
၁၇။ မန္တန် အတတ်၊
၁၈။ သဒ္ဒါတတ်ကျွမ်းမှု အတတ်။
ဟာ တော်လှ ပိုင်လှချည်လား
ပိုင်မှာပေါ့ အကုန် ကူးရေးပြတာကိုး အလွတ်ဆို ဘာမှ မရဘူး
ဟာသဆိုတာ ပညာရပ်တစ်ခုအနေနဲ့ ရှိနေခဲ့တာကိုး
အစစ်ပါပဲ
ဒါနဲ့---ဟာသပညာကို မင်း ဘယ်လို ထင်လဲ
လူသတ်လက်နက်လို့ ထင်တယ်
လူသတ် လက်နက်၊ ဘာ့ကြောင့် အခုလို ပြောရတာလဲ ဟာသဆိုတာ အသက်ရှည်ဆေးဆို
မကြားဖူးဘူးလား တစ်သက်လုံးမှ (၃)ခါပဲ ပြုံးတဲ့ သီလဝါ မင်းသား
အင်း
အဲဒါ နောက်ဆုံး လှတောသားနဲ့ တွေ့ပီး အရယ်လွန်လို့ အူတက်ပီး သေတာလေ
ငင်
နောက်ရှိသေးတယ် အငြိမ့်ပွဲကြည့်ပြီး ရယ်ရလွန်လို့ ပါးချိတ်ပြုတ်ပီး တစ်သက်လုံး စကားမပြောနိုင်တော့တဲ့သူ အဲဒါ ဟာသကြောင့်ဖြစ်တာ
ဟာ ဒုက္ခပဲ----ဟာသက ကြောက်စရာကြီးပဲ
ဒါ့ကြောင့်---သတိပေးထားမယ်--မင်း ငါ့တင်တဲ့စာတွေတို့ ဟို ကိုပြောင်ပြောင်အေး ရေးတင်နေတဲ့ စာတွေတို့ မဖတ်မိစေနဲ့
ဟာသတွေမို့ အရယ်လွန်ပီး သေမှာ စိုးလို့လား
သေမယ် မသေမယ်တော့ မသိဘူး---ပေါကြောင်ကြောင် ဂေါက်တောက်တောက် ဖြစ်မှာတော့ ကျိန်းသေတယ်
No comments:
Post a Comment