[ မှတ်မှတ် ရရ များ ]

[ မှတ်မှတ် ရရ များ ]

ပန်းထိမ်ဆရာ မလိမ္မာ
ကျမ ရွှေကို ခိုးလို့
မိုးကြိုးနဲ့
စပ်ပါ စပ်ပါ

(ကျနော့်ဖားသားကြီး အလုပ်လုပ်ရင်း ဆိုနေကျ
သံစဉ်လေး အမှတ်တရ)

[ မှတ်မှတ် ရရ များ--------- ]

[ မှတ်မှတ် ရရ များ--------- ]

အဖေက ပန်းထိမ်သမားထဲမှာတော့ လက်ရာအတော်ကောင်းတဲ့သူပါ
အထည်တော်တော်များကို လုပ်နိုင်စွမ်းရှိတယ်လေ၊
ရွှေအသားထည်နဲ့လုပ်တဲ့ လက်စွပ် လက်ကောက် ဆွဲကြိုး အပြင်
ကျောက်ထည်ဖြစ်တဲ့ ချယ်နားကပ်အကုန်ရတယ်၊ ကျောက်သားကို စွန်ငုတ်နဲ့ ထိမ်းကုပ်ထားတဲ့ ကျောက်စီလက်စွပ်၊ ကျောက်စီ လက်ကောက်များလည်း လုပ်တတ်တယ်၊

လက်စွပ်တို့ လက်ကောက်တို့မှာ ကနုတ်ပန်းဖော်တဲ့အခါတော့ ဆောက်ဖြတ်လုပ်ငန်းကို တစ်ဆင့် လွှဲအပ်ရပါတယ်၊ အဲသလို အခါမျိုးဆို ကျနော့်ကို ခိုင်းတတ်ပါတယ်၊ မြောက်ပြင် ထားဝယ်အရပ်ဟာဆိုရင် ဆောက်ဖြတ်လုပ်ငန်းကို သီးသန့် လုပ်ကိုင်ကြတဲ့သူတွေ ပေါတဲ့ အရပ်ပါ၊ အဲဒီကို စက်ဘီးလေးနဲ့ သွားပြီး အပ်ရပါတယ်၊

ဆောက်ဖြတ်ခက သိပ်မပေးရပါဘူး၊ အဲဒီခေတ်က ၂၅ကျပ် ၃၀ လောက်ပဲပေးရတာပါ၊
အထည်ငါးမူးသားအပ်ပေမယ့် ငါးမူးသား အပြည့် ဘယ်တော့မှ ပြန်မရပါဘူး၊ အနည်းအကျဉ်း လျော့တတ်ပါတယ်၊ သိပ်အများကြီးလျော့လို့တော့ မဖြစ်ဘူးလေ၊ အဖိုးတန်ရွှေဆိုတော့ တစ်စိတ် တစ်ခြမ်း မပြောပါဘူး၊ နားလည်စွာ လက်ခံနိုင်ပေမယ့် သည့်ထက် များပြီး တစ်ရွေး နှစ်ရွေအထိ လွန်လာရင်တော့ စကားအခြေအတင် ပြောရတတ်ပါတယ်၊

ဆောက်ဖြတ်သမားတွေရဲ့ ဝင်ငွေကလည်း ဆောက်ဖြတ်(ကနုတ်ပန်းဖော်)ပေးခြင်းမှ ရတဲ့ ငွေထက် လွှင့်စင်သွားတဲ့ ဖြတ်စလေးတွေက ပိုပြီး စို့စို့ ပို့ပို့ ရတာမဟုတ်လား၊ လက်ခငွေထက် မိုက်ကို ပိုတန်ဘိုးထားကြတာပါ။

အပ်ထည် တစ်မျိုးစီမှ နည်းနည်းခြင်း ပေါင်းစုလိုက်ရင် သူတို့အတွက် ဝင်ငွေက သေးမှ
မသေးတာ၊ ဒါ့အပြင် ခြောက်လ တစ်နှစ် မိုက်ထုတ်တဲ့အခါမှာလည်း ဝင်ငွေက ရရှိကြ သေးတာလေ၊ တစ်ခါတော့ ပြသနာ တက်ဘူးခဲ့တယ်၊

အပ်တာ ကျနော်သွားအပ်တာပါ၊ တစ်ကျပ်သားနီးနီး ဆွဲကြိုးကုံးကို ပြန်ယူလာပြီး အဖေ့ကို ပေးလိုက်တော့ အဖေက ချိန်ကြည့်ပြီး ဒေါသဖြစ်ပါလေရော၊ လိုက်ရှင်းတော့တာ၊ အကြီးအကျယ် ဖြစ်ခဲ့တာ၊
တစ်ရွေး နှစ်ရွေးအထိ မပြောဘူး ခုဟာက တစ်ပဲ နီးပါး ဖြစ်နေပြီ
ဘယ်လို ပြောပေမယ့် မရတော့ပါဘူး။ ကျနော်က အချိန်ကို သေချာစစ်မယူခဲ့ မိတဲ့အတွက် ကိုယ့်ဘက်က တစ်ပန်း ရှုံးသွားခဲ့ရတာလေ၊

အဖေဆိုတာ ကျနော့်ကို မရိုက်ပေမယ့် မျက်ထောက်နီကြီးနဲ့ ကြည့်ပြီး စိတ်တွေတိုနေလိုက်ပုံများ ကြောက်စရာကြီး၊
မင်းတို့ ဆိုင် ဘယ်တော့မှ မအပ်ဘူး ဆိုတဲ့ စကားပဲ ပြောပြီး သားအဖနှစ်ယောက်
သည်အတိုင်း ပြန်လာခဲ့ကြရတယ်လေ

မှတ်မိပါသေးတယ်၊ အဲဒီတုန်းက---
အဲဒီဆွဲကြီုး----ပြသနာ ဆွဲကြိုးပါပဲ
အစအဆုံး မင်းလုပ်စမ်းကွာဆို----ကျနော့် လုပ်ခိုင်းခဲ့တဲ့ဆွဲကြိုး
အမျိုးထဲက အပ်ထည်ဆိုတော့-----အချိန်ကြာလည်း ဘာမှ မဖြစ်ဘူးဆို ကျနော့်ကို ခိုင်းခဲ့တာ၊ ကျနော်ကလည်း ကျနော်ပါပဲ အလုပ်ကလေးလုပ်လိုက်----လက်ကလေး ဆေးလိုက် အပြင် လက်လား လက်လား ထွက်လိုက်၊ ပြန်လာလိုက် ခုံပြန်ထိုင်လိုက်၊
မီးခွက်လေးထွန်း၊ ကပ်ကြေးနဲ့ ရွှေ အကွင်းလေးတွေ ထောက်ခနဲဖြတ်၊ ဇာဂနာနှစ်လက်နဲ့
တစ်ကွင်းခြင်းကိုင်ချိတ် စေ့သွားတဲ့ အစပ်နေရာကို ဂဟေပန်းကန်ထဲက ဂဟေမှုန်လေးတွေ နားဖာကလော်တံလို ဟာလေးနဲ့ ကော်ပြီး ပုံလိုက်၊ ပြောင်းကောက်လေး ပါးစပ်တပ် ဖူးဖူးနဲ့ မှုတ် မီးပေးပြီး အရည်ပျော်အော် စပ်သွားအောင်လုပ်လိုက်---
ဆွဲကြိုးအရှည် တစ်လက်မသာသာ လောက် ရောက်တာနဲ့ လူက် အား အီး ဆို ထိုင်ရာမှ ထ လက်ကလေး ဆေးလိုက် အပြင် သွားလိုက်ဆိုတော့---ကြာတော့ အဖေက
မျက်စိ စပါးမွှေး စူးလာပုံရပါတယ်---
မင်း ဥစ္စာကကွာ အလုပ် လုပ်တာ နည်းနည်း ထနေတာက များနေတာ ရှိသမျှ ရွှေလည်း အင်တုံထဲကြီးနေမှာပါ---တစ်ကျပ်သား လုပ်တဲ့ ရွှေက တစ်ဝက်မှ ကျန်ပါ့မလား မသိပါဘူး--------တဲ့၊ သြဘာ အပေးခံရပါတယ်၊
ရွှေကွ---ဟင်းရွက်ကန်စွန်းမဟုတ်ဘူး-------ဇွဲနဲ့ နဘဲနဲ့ အလေအလွင့် မရှိအောင်
လုပ်တတ်မှ-----ပေါ့၊ မင်းလို ကောင်မျိုး ပန်းထိမ်သမားနဲ့ မဖြစ်ပါဘူး၊ ဖြစ်လည်း မွဲလို့ကို အတောသတ်မှာ မဟုတ်ပါဘူး ခွီးတဲ့မှပဲ----
တဲ့လေ၊ အင်း---------ပြောရမယ်ဆို အဲဒီ ဆွဲကြိုးက--------ရာဇဝင်နဲ့-------- ချီတယ် ပြောရမယ်၊ြ ပသနာ ပေးတာတော့ မပြောနဲ့ အစကနေ အဆုံးအထိ တောက်လျှောက်ကြီးပါဆိုမှ--

(အမှတ်တရပါ ဖားသားကြီးရယ်----------------)

[ မှတ်မှတ်ရရ ---------များ ]

[ မှတ်မှတ်ရရ ---------များ ]

ဖိုးကျော်
ဟုတ်
ဇဉ်း ဇာဂနာ ပေ တူ ညှပ်
ဟုတ်
ဘုရားတုတ် ငုတ် ပြုတ် နောက်လှည့်ကြည့် မရှိ ဆိုသလိုမျိုး
အဖေက အဲသလို စကားလုံးအတိုတွေနဲ့ ပြောလေ့ရှိပါတယ်
တံဇဉ်း ဇာဂနာ ပေခုံ တူ ညှပ်ကောက် အဆင်သင့် လုပ်ထား သူ လုပ်ငန်းခွင် ဝင်တော့မယ်ပေါ့လေ၊

ဖိုးကျော်
ဟုတ်
ရှူ ဖွာ ရှပ် လောင် တို ပစ်
ဆေးလိပ် သောက်မလို့ မီးတို့ ခိုင်းတာပါ
အဲဒီကအစ---------ကျနော် ဆေးလိပ် သောက်တတ်သွားတာပါပဲ---
ကောင်းကို မကောင်းတဲ့အဖေ
သည်လောက် ကောင်းတဲ့ ဆေးလိပ်ကို အစကတည်းက မတို့ခိုင်းဘူး

မကောင်းတာတော့ သေတဲ့အချိန်အထိ မကောင်းတဲ့အဖေရယ်ပါ
သေတဲ့အချိန် ကိုယ့်သားသမီးကို ဆက်ဆံလိုက်ပုံများ
မျက်နှာသေကြီးနဲ့လေ---------ဟွန်း

(ဖားသားကြီး သို့ အမှတ်တရ-----------)

[ လျော်ကြေးပေးပါ အမေ ]

[ လျော်ကြေးပေးပါ အမေ ]

အမေ
ဘာဖြစ်လို့ ကျနော့်ကို အကျင့်ပျက်အောင်
ဖျက်ဆီးပစ်ခဲ့တာလဲ

ဆောင်းတွင်းမှာ
ဘာဖြစ်လို့ ခေါပုပ်လေးတွေ ကြော်ပြီး ကျွေးခဲ့တာလဲ
ထန်းပင်မြစ်ကလေးတွေ ဘာလို့ ဖုတ်ကျွေးခဲ့တာလဲ
ပဲမြစ်လေးတွေ ပြုတ်ပြီး ငရုတ်ကျည်ပွေ့နဲ့ထု
ဆီလေးတွေဆိမ်ပြီး ဘာလို့များ ကျွေးခဲ့ရတာလဲ

ဒန်အိုးအပြားပေါ်မှာ ဒလိမ့်တုံးလေးနဲ့ လှိမ့်လှိမ့်ပြီး
ချပါတီလေးတွေကို အိုးကင်းပူတိုက်ပြီး
ကုလားပဲချက်လေးတွေနဲ့ တွဲဖက်ပြီး
ဘာလို့ ခဏခဏ လုပ်ကျွေးခဲ့ရတာလဲ

ဘဲဥနဲ့
ဂေါ်ရခါးသီးပါးပါးလေးလှီးထားတဲ့
အဖပ်လေးတွကို ကြော် လို့ ကြော်
ဆူးပုပ်ရွက်ကို ကြော်လို့ကြော် နဲ့
ဘာလို့များ စားလို့ကောင်းအောင် လုပ်တတ်ခဲ့ရတာလဲ

ချဉ်ရည်ဟင်း ငရုပ်သီးထောင်းနဲ့
ငါးအိုးကပ်ချက်ကို
ခေါင်းမဖော်တမ်း စားနိုင်အောင်
ဘာလို့ လုပ်ခဲ့ရတာလဲ

ချဉ်ပေါင် ငပိချက်ရယ်
ကြက်သွန်နီပါးပါးလှီး သမအောင် ရောမွှေထားတဲ့ ပဲကြားလှော်ဆီဆမ်းနဲ့
ထမင်းပွဲကို စားလို့ကောင်းအောင် ဘာဖြစ်လို့ ဖန်တီးခဲ့ရတာလဲ

ခရမ်း အချဉ်သီးနဲ့ ငါးခြောက်အတုံးလေးတွေကို
ဘာဖြစ်လို့ ပပ်ပပ်နှပ်နှပ်ဖြစ်အောင်ချက်ပြီး ကျွေးခဲ့ရတာလဲ

မနက်အိပ်ရာက ထတဲ့အခါ
ထမင်းကြမ်းလေးတွေကို ဆနွင်းမှုန့်ဆီသတ်ပြီး
စတော်ပဲလေးနဲ့ ကြော်ထားတဲ့
အဝါရောင်ပဲထမင်းကြော် ပူပူလေးကို
ဘာဖြစ်လို့ မနက်တိုင်း ကျွေးခဲ့ရတာလဲ

ခပ်ပျော့ပျော့ ပဲပုပ်တွေကို
ငရုပ်သီးစိမ်းတောင့်အလယ်ထက်ဝက်ခြမ်းနဲ့ရောလို့ချက်
အရည်သောက် ပဲကုလားဟင်းကို တွဲစပ်ပြီး
ဘာလို့များ ကျွေးခဲ့ရတာလဲ

အို--------
အများကြီးပါပဲလေ
ထမင်းဖြူ ပူပူလေးကို နွားနို့ပူပူထဲကို စိမ်ပြီး
ဇွန်းနဲ့ ခပ်သောက်ခဲ့ရတာတွေကိုလည်း
ပြောမပြချင်တော့ပါဘူး

အဲ သ လို
ထမင်းကောင်းကောင်း စားတတ်အောင်
ကျင့်ပေးခဲ့တဲ့ အမေ
အခု
ကျနော့် အကျင့်တွေ ပျက်စီးကုန်ပြီ အမေ

တစ်ကယ်ဆိုရင်
နောင်ကို
ငါ့သားလေး
ထမင်းကောင်းကောင်း စားတတ်မှာမှ မဟုတ်ဘဲ
ငါ --- ထမင်း သိပ်မစားနိုင်အောင် ချက်ကျွေးခဲ့ရမှာလို့
ဘာဖြစ်လို့များ မတွေးခဲ့ရတာလဲ အမေ

ဒါ့ ကြောင့်
လျော်ကြေးအနေနဲ့
တနင်္ဂနွေနေ့တိုင်း အမေ့ဆီ လာတောင်းနေရတာပေါ့----------

နောင် နှစ် ပေါင်း
တစ်ရာ နှစ်ရာ
တစ်ထောင် နှစ်ထောင်
လျော်ကြေးတွေ
ဆက်တောင်း နေဦး မယ် အမေ

အကြွေး မကျေမခြင်း
အမေ ဘယ်ကိုမှ ထွက်မပြေးရ------။

[ မှတ်မှတ်ရရ-------များ----]

[ မှတ်မှတ်ရရ-------များ----]

ကျနော်ကိုယ်တိုင် တစ်ကျပ်သား ရွှေဆွဲကြိုးကုံး တစ်ကုံး လုပ်ခဲ့စဉ်ကပေါ့
ပြောခဲ့ပါတယ်----------ပြသနာ ဆွဲကြိုးလို့----------

တစ်ကျပ်သား ဆွဲကြိုးတစ်ကုံး လုပ်တော့မယ်ဆိုရင်
ရွှေ တစ်ကျပ်သားထက်ပိုသော အလေးချိန်
ဥပမာ တစ်ကျပ်တစ်ပဲ၊ တစ်ကျပ်တစ်မူး အပိုစောင်းပြီး
ရွှေကို အချောင်း လောင်းရပါတယ်၊
အဲသလို အပိုစောင်းထည့်ပြီးလုပ်မှ
တံဇဉ်းစား ဆောက်ဖြတ် ကြိုးကိုင်းပွတ်နဲ့ အပိုရွှေသားကို
ဖယ်ထုတ်လိုက်မှ အချောထည်အဆင့်ရောက်တဲ့အခါ
ရှိစေချင်တဲ့ တစ်ကျပ် သားရွှေဆွဲကြိုးကုံး ကျန်မှာ ဖြစ်ပါတယ်
(အလျော့တွက် တွက်ယူတယ်ဆိုတာ သည်လို အပိုတွေ
ထည့်လုပ်ရသည့်အတွက်ကြောင့် ယူရခြင်းဖြစ်ပါတယ်)
အချောင်းလောင်းတယ်ဆိုတာ
လုံနဲ့ ရွှေကို ဖားဖိုမှာ အရည်ကျိုမယ်၊ အရည်ဖြစ်လာပြီဆိုရင်
လုံကို ညှပ်ကောက်နဲ့ ကိုင်ပြီး နန်းပြင်မှာ လောင်းထည့်လိုက်ပါတယ်
နန်းပြင်ဆိုတာ အရည်ကို အချောင်းလေးဖြစ်သွားအောင် လုပ်ပေးတာပါပဲ
အမြောင်းလေး လေးမြောင်း ငါးမြောင်းလောက် ရှိတဲ့ လိုင်းဖော်ထားတဲ့
လက်မဝက်လောက် ထူတဲ့ သံပြားပြင်တစ်ခုပါပဲ၊
လုံကို စောင်းပြီး လောင်းမယ့်အချိန်မှာ ကိုယ်လောင်းမယ့်
အလေးချိန် အတိုင်းအဆနဲ့ ချိန်ပြီး နန်းပြင်ရဲ့ လိုင်းမြောင်းတစ်ခုထဲကို
သွန်ချလိုက်ရတာပါ၊ လိုင်းမြောင်းလေးထဲကို အရင် ရေနံဆီ
အနည်းငယ်ကိုလည်း လောင်းထည့်ထားရပါတယ်၊
ဒါမှ သံနဲ့ ရွှေနဲ့ ကပ်မသွားမှာပါ၊

ရွှေချောင်း လောင်းပြနေတာနဲ့ လိုရင်းကို မရောက်တော့ဘူးနော်
သည်းခံပါ ဒကာ
မရှည် ရှည်အောင် ဆွဲဆန့်နေတာလည်း မဟုတ်ပါ
ဆွဲကြိုးတစ်ကုံး မွေးဖွားခြင်းသည် သည်က စတာပါပဲ၊

ရွှေနန်းချောင်းအတိုလေး ဖြစ်သွားပြီဆိုရင် ပေပေါ်မှာ တင်ပြီး
တူနဲ့ လေးထောင့် ပုံစံလေးကျအောင် ထုရပါတယ်၊
မီးပေးလိုက် ထုလိုက်လုပ်ပြီးသွားရင်တော့ ကြိတ်ခုံကို ပြေးရပါတယ်။
ကြိတ်ခုံဆိုတာ အဲဒီနန်းချောင်းလေးကို ကြေးနန်းကြိုးခွေလိုဖြစ်အောင်
ထိုးပေးတဲ့ ခုံကို ခေါ်တာပါ၊
အဲဒီခေတ်ကတော့ ထိုးခ ငါးကျပ်လောက် ပေးရပါတယ်
ကြိတ်ခုံက ကြံရည်ကြိတ်တဲ့ ခုံမှာရှိတဲ့ အလုံးပုံစံမျိုးပါဘဲ၊
လိုင်းထွင်းထားတဲ့ လိုင်းကြားလေးထဲကို ရွှေနန်းချောင်းလေး ထိုးသွင်းပြီး
ရှည်ထွက်လာအောင် ပြုလုပ်ပေးရတာပါ၊
ဂိတ်ကုန်လို့ ပြောလိုက်ရင် ခုံရှင်က နန်းချောင်းအရွယ်အစားကိုကြည့်ပြီး
အပေါက်ကျယ်ကနေ တစ်ဖြည်းဖြည်း နောက်ဆုံး ဂိတ်ဆုံး
အပေါက်အကျဉ်းအထိ ထိုးပေးပါတယ်။
အပေါက်တစ်ပေါက် ထိုးပြီးတိုင်း ပြန်ပေးပါတယ်၊ မီးဖုတ်ပေးရတာပါ၊
အဲသလို မီးမဖုတ်ပဲ တောက်လျှောက် ထိုးသွားရင်
ရွှေက ကွဲထွက်သွားတတ်သည့်အတွက် မီးခဏ ခဏ ဖုတ် ဖုတ် ပေးရတာပါ

ပြောချင်တာက အခုမှ
အဲသလိုမျိုး ကြိတ်ထိုးသွားရပြီဆို အရမ်းပျော်ပါသည်
ပျော်ပြီပေါ့ အဲသည်နေ့ ငွေက ရွှင်တော့မယ်လေ
သည်လိုပါ---ဂိတ်ကုန်ကာနီး တစ်ပေါက်အလိုလောက်မှာ ကပ်ကြေးနဲ့
နန်းကြိုးရဲ့ အစတစ်ဖက်ကို မှန်းပြီး တစ်ရွေးလောက် ကပ်ကြေးနဲ့
ထောက်ဆို ကိုက်ဖြတ်လိုက်တော့တာပါပဲ
သိပါတယ်နော်
ငတို ဒါမှမဟုတ် ငတွမ် လုပ်တာလေ ဟီး
ကိုက်ဖြတ်ပြီးတာနဲ့ ဖြတ်ရာ ထင်နေတဲ့ ထိပ်စကို ဘရိုးလင်းနဲ့ မီးတိုက်ပြီး
လုံးပစ် အုပစ်လိုက်ပါတယ်၊
ပြီးတော့မှ ကျန်တဲ့ တစ်ပေါက် ဂိတ်ကုန် ထိုးလိုက်တဲ့အခါ ဖြတ်ရာမထင်ဘဲ
ပြီးမြောက်သွားပါတော့တယ်၊
နန်းခွေလေး ခွေ၊ ဘူးထဲထည့်၊ တစ်ရွေးသားလောက် မှန်းဖြတ်ထားတဲ့
ရွှေအတိုလေးကို ငတိုက စက္ကူလေးနဲ့ထုပ်
( ငတိုဆိုတာ ကိုယ်တိုင်ပဲလေ )
ထုပ်ပြီး ရောင်းနေကျ အဝယ်ဆီပြေးရောင်းလိုက်မယ်ဆိုရင် ၇၅ ကျပ်လောက်
တော့ ကျိန်းသေ ရလာဦးတော့မှာပေါ့ ဟုတ်ဘူးလား၊
သုံးပါလေ့၊ ဖြုန်းပါလေ၊
အဲဒီခေတ်က အောက်တန်းစာရေးလစာက ၇၅၀ ပဲ ရှိသေးတာလေ၊
ဒါ့ကြောင့်-----ကြိတ်ထိုးသွားဟေ့ဆိုရင်
ဖိုးတွမ်တီးတို့ကတော့ ပျော်ချက်---ဒါပေမယ့်
အိမ်ရောက်တော့---ထုံးစံအတိုင်း အဖေက ချိန်ခွင်လေးပေါ်တင်
ချိန်ကြည့်---အဲဒီမှာ
ငါလခွီးထဲမှပဲ--------မင်းဥစ္စာ ဒီတစ်ခါလုပ်တာ များတာကွာ
တဲ့
ဟုတ်လည်း ဟုတ်ပါသည်
အဲသည်တစ်ခါ လက်စ နည်းနည်း များသွားခဲ့ပါသည်
တစ်ရွေးက နှစ်ရွေးသားလောက် ဖြစ်သွားသမို့
အဖေဆဲလည်း ဆဲမှာပါပဲ
သို့သော် ငွေတစ်ရာ့ငါးဆယ်ကြီးများတောင်
လက်ထဲမှာ ပိုက်ထားရတဲ့နောက်တော့ ဆဲလည်း တန်ပါတယ်လေ
တကယ်တော့ အဖေက
ကျနော် လုပ်နေမှန်း သိခဲ့ပါသည်။ သားသမီးဆိုတော့
မပြောဘဲ ထားခဲ့တာပါ၊ နည်းနည်း များသွားတော့မှ
မင်း ဒီတစ်ခါလုပ်တာ များတာကွာ--ဆို ဆဲပါသည်
အကြောက်ဆုံးကတော့
အေး အဲသလို သူခိုးကျင့် သူခိုးကြံ ကြံနေလို့ကတော့ နောက်ကို မင်း
မခိုင်းတော့ဘူး ငါကိုယ်တိုင်ပဲသွားတော့မယ်တဲ့
နို့မို့ မင်းကြီးရင် သူခိုးဖြစ်မယ်------------တဲ့
နောက်ကို အဲလို မလုပ်ပါနဲ့------သုံးစရာမရှိရင် တောင်းပါ----တဲ့
သူခိုး ငတို ဖြစ်မှာထက် ကြိတ်ခုံကို မသွားရတော့တာ
ဘဝမှာ အနာဆုံးပါပဲ တောက်---

(ဖားသားကြီးသို့ အမှတ်တရ--------------)

[ ကိုယ့်ဟာကိုယ် ထောင်းတော့ သက်သာတာပေါ့--------နော]

[ ကိုယ့်ဟာကိုယ် ထောင်းတော့ သက်သာတာပေါ့--------နော]

ဒီမယ်
မင်း တဲ အီ ကင်း ဆို တာ နယ် နယ် ရ ရ များ မှတ် နေ လား
ရာ ဇ ဝင် တွေ ဘာ တွေ ထည့် မ ပြော သေး ဘူး----

လက်ရှိ အခြေအနေလေးတင် ပါးပါးလေး ပြောပြမယ်
ယုံမလားတော့ မသိဘူး--------

ဖုန်ဘလေ ဘောလုံးကွင်း တစ်ကွင်း ရှိတယ်
(တစ်ကွင်းလုံး ဖုန်တွေ ထနေလို့)

ရှက်ကီ ယူနိုက်တက် အသင်းတွေ အများကြီး ရှိတယ်
(ကစားသမား အားလုံး၏မျက်နှာများ ဖောသွပ်ဖောရောင်)

တာရိုး နှစ်ထပ်ကွမ်း ကြီး ရှိတယ်
(တစ်ခုက အဟောင်း ၊ တစ်ခုက အသစ်)

တာရိုးအသစ်ကြီးအနောက်ဘက် ဘေးမှာ ချောင်းအစွယ် မြောင်းငယ်ကြီး ရှိတယ်
(ဧရာဝတီမြစ်လက်တက်ခွဲ၊ ကျောက်သပိတ်ချောင်းလို့လည်း ခေါ်ကြတယ်၊
ဟိုးတုန်းကတော့ ရေကျချိန်မှာလည်း ချောင်းပီပီသသ ခေါ်လို့ရအောင် ရေများများစားစား ရှိပေမယ့် ခုနေအခါမှာတော့ ဘဲနှစ်ကောင်တောင်
အတော် ရှောင်ယူနေရပါသည်)

မြစ်ရိုးတစ်လျှောက် စီးပွားရေး လုပ်ငန်း ပေါင်းစုံ ပေါမှပေါ
မယုံဘူးလား
google earth ကနေ zoom ဆွဲပြီး ကြည့်လိုက်စမ်းပါ
ဖွေးဖွေးဖြူ နေတဲ့ လှိုင်းခေါင်းဖြူကြီးတွေအလား မြင်ရပါလိမ့်မယ်
မြစ်ချောင်း နားဘေး ဆိုတော့ ရေလှိုင်းဖြူကြီးတွေလို့ ထင်နေတယ်
မဟုတ်လား၊ ပေ ၅၀၀ အောက် ဆက်ဆွဲလို့ မရတော့ဘူးဆိုရင်
လူကိုယ်တိုင် လာကြည့်လိုက်စမ်းပါ
ပီနံအိတ်တွေ ရေလျှော်ပြီး နေပူလှန်းထားတာ ကိုယ်တိုင်ကိုယ်ကျ
တွေ့မြင်သွားရင် မအံ့သြဘဲ မနေနိုင်ဘူး ဖြစ်သွားပါလိမ့်မယ်၊
ရင်သက်ရှုမော ခံစားသွားရပါလိမ့်မယ်၊

google ကကောင်တွေ ကောင်းကင် ဓာတ်ပုံရိုက်တော့ မြန်မာပြည်သည်
အံ့ဖွယ်သရဲ ထူးကဲမှု အပေးဆုံး နိုင်ငံ ဆိုပဲ
ပထမတစ်ကြောင်း ရိုက်အပြီး နောက်တစ်ကြောင်း ရိုက်တဲ့အချိန်မှာ
အရင်ပုံနဲ့ နောက်ပုံ ဆက်မရတော့ဘူး ဖြစ်ကုန်ပါရောတဲ့
ဘာ လို့ လဲ
အရင်ပုံမှာ အစိမ်းရောင် သန်းနေပြီး
နောက်တစ်ပုံက
မြေကြီးရောင်ကြီး ပေါက်နေလို့ ဆိုပါလား
ဘာဖြစ်တာလဲ
ဘာမှ မဖြစ်ဘူး
သစ်ပင်တွေ ရုတ်ချည်း ပျောက်ကုန်လို့ပဲတဲ့----လေ့လာ တွေ့ရှိချက်တဲ့လေ။

အဲဒါတင် ဘယ်ကမလဲ
ခုပြောတဲ့--လှိုင်းခေါင်းဖြူကြီးတွေလည်း အံ့သြဘနန်း တစ်ခု အပါအဝင်ပေါ့
အိုး မိုင် ဂေါ့
ကြည့်စမ်းဟေ့ အောက်တည့်တည့် (ဂြိုလ်တုပေးပို့ချက်)
ကုန်းတွင်းပိုင်းဖြစ်ပြီး ဘာလို့ ရေလှိုင်းဖြူကြီးတွေ ဖွေးနေအောင် ထနေရတာလဲ၊
ပင်လယ်ပြင်ကြီး တစ်ခုလား၊ ကြီးမားတဲ့ ရေအိုင်ကြီးရဲ့ လှိုင်းတံပိုးတွေလား၊ အဲဒီနေရာ သွားလေ့လာစမ်းဟေ့------စရိတ် ကုန်ချင်သလောက်ကုန်---
ဟော--------တွေ့ သွား ပြီ
ပီ နံ အိတ် အဖြူ ကြီး တွေ ဖြန့်ပြီး နေပူ လှန်း ထား လိုက်တာ အစီအရီ
ဘသားချောတွေ ဟိုက် ဆို သူ့ နဖူး သူ ရိုက် ပြီး
ဖင် ပိတ် ပြန်ပြေးကြပါလေရော
အဲ ဒါ မင်း တဲ အီ ကင်း ကွ နော်------------
ခဏ နားဦးမယ်---------နောက်တစ်ခု ပြောပြချင်သေးလို့ပါ
ကံကောင်းရင်တော့ ဆက်ရန် ဖတ်ကြရမှာပေါ့
ကံမကောင်းရင်တော့ နာရေး သတင်းသာ စောင့်သာ ကြည့်ကြပေရော့
အီကင်းသားတွေ ရိုက်သတ်လိုက်လို့ တစ်ယောက်တော့ ဂန့်သွားပြီဆိုရင်
အဲဒါ ဘယ်သူ့မှ လျှောက်ထင်မနေကြပါနဲ့
အဲဒါ ကျနော်ဖြစ်နေမှာ အသေအချာပါပဲ------
တိန်

[ မင်းတဲအီကင်းသား သတ္တိ နှင့် ရေကြီးချိန် ]

ဝါဆို ဝါခေါင် ရေဖောင်ဖောင် ဆိုတဲ့အတိုင်း

အဲဒီလ အဲဒီရာသီရောက်ပြီဆိုရင် ဧရာဝတီ မြစ်ရေဟာ တာပေါင်ရိုးအခြေအထိ
ရောက်အောင် တရိပ်ရိပ် တက်လာပါပြီ

မိုးသားတိမ်မည်းများဟာ မြောက်ပြန်လေနှင့်အတူ
အထက်အညာသို့ ခရီးနှင်ကြပါပြီ၊ မြောက်အရပ်ဆီမှာ ညှို့မှိုင်း အုံ့စိုင်း-----လို့

မိုးအဆက်မပြတ် ရွာသွန်းမှုကြောင့် မြစ်ရေဟာ တိုးသထက် တိုးလို့ပေါ့၊
ရေကြီးခြင်းဟာ နှစ်စဉ် ပုံမှန်ပါပဲ၊ မြစ်ရေပြင် ဘယ်လောက်ကျယ်ကျယ်
မည်မျှပဲ ရေစီးသန်လို့ ရေကြီးပါစေ မြစ်ရေဟာခြေတံရှည် ရွာတန်းအိမ်များ၏
ကြမ်းပြင်ကို ထိလု ထိခင်ပြုလုပ်ပြီးသည့်အခါ

သို့တည်းမဟုတ်

မြစ်ရေသည် တာပေါင်ရိုးခြေ(အဟောင်း)ကို တို့ကနမ်း ဆိတ်ကနမ်း
ပြုလုပ်ပြီးသည့်အခါ

သို့တည်းမဟုတ်

တစ်ခါတစ်လေ တစ်ပေါင်းရိုး နှုတ်ခမ်းကို မေးတင်ပြီး တဲ့ နောက်တော့
သူ့အလိုလို ပြန်လည် လျော့ဆင်း သွားတတ်တာ
ပုံစံခွက်ထဲက ခေါက်ရိုးကြေနေတဲ့ ဖြစ်ရိုး ဖြစ်စဉ် အစဉ်အလာ တစ်ခုပါပဲ

မိုးရွာသွန်းမှုနှင့် ဖြစ်တည်မှု ရေထုပမာဏကတော့ ထုံးစံအတိုင်း ဆိုပေမယ့်
သောင်ကမ်းပြိုခြင်းနှင့် အနည်အနှစ်များသည် အောက်ကြမ်းပြင်တွင်
တစ်နှစ်ထက် တစ်နှစ် ထုထည်ပိုမိုကြီးမားမြင့်တက်လာခြင်းတို့ကြောင့်
ရေထုဟာ နဂိုရှိရင်းဆွဲထက် မြင့်တက်လာသည့် သဘောအနေနဲ့လည်း
ဖြစ်ကောင်း ဖြစ်နေနိုင်ပါသည်၊

နောက် တစ် ခု က

ရေလွှာထု မြစ်ပြင်ကို တာပေါင်ရိုး အသစ်ကြီးဖြင့် ကန့်လန့်ခံပြီး
မြို့ပတ်လမ်း ဖောက်လုပ်လိုက်တော့
အဲသည်မှာ ရေထုဟာ အနည်းငယ် နောက်သို့
တွန်းလွှတ်ခံလိုက်ရသည့်အတွက် ပုံမှန် မြင့်တက်မှု အတိုင်းအတာထက်
သာလွန်သွားသည့်သဘောလည်းဖြစ်ကောင်း ဖြစ်နိုင်တာပေါ့။

ထင်မြင် ယူဆချက်တစ်ခုဟာ လွဲမှားကောင်း လွဲမှားနိုင်ပါတယ်လေ
လက်တွေ့ ဆန်တယ်လို့ပဲ ပြောရမလား

အဲ ဒီ တာပေါင်ရိုးကြီး ပြီးတော့ --------ရေထုဟာ တာရိုးအသစ် နှုတ်ခမ်းကို
ထိရုံ မေးတင်ရုံ သာမက ကျော်လွန်ပြီး၊
တစ်ရက်မှာ
တံတားဦးကျောင်းတိုက် အနောက်ဘက် နားကနေ
စတင် ကျိုးပြတ်သွားပါတော့တယ်၊ ရေတွေဟာ အတားအဆီးမဲ့ ဒလကြမ်း
တိုးဝင်လာလိုက်တာများ ကြောက်ခမန်းလိလိပါပဲ၊

မျက်စိအောက်မှာတင် ရေတွေဟာ တာရိုး အသစ်နဲ့ အဟောင်း၂ခု ကြားမှာ
လှိမ့်ဝင်လာပြီး အမှိုက်သရိုက်များနှင့် ရှိသမျှ အရာအားလုံးကို
တွန်းထိုး မွှေနှောက်ပြီး ဒရင်းတိုက် ဆွဲခေါ်သွားပါတော့တယ်၊

အဲဒီမှာ ရှိနေတဲ့ တွင်းအောင်းသတ္တဝါ အားလုံး၏ ဘဝဟာ ကမ္ဘာပျက်သွားတဲ့
အဖြစ်ပါပဲ။ ရှိသမျှ အင်းစက်ပိုးမွှားများနှင့် ပိုးကောင်များဟာ သွေးရူးသွေးတန်း
ပြေးလွှားရင်း ရေနစ်ကုန်ကြပါတော့တယ်၊ အချို့လည်း ရေလွှတ်ရာ ၊
အချို့လည်း သစ်ပင်ပေါ်၊ သစ်ပင်ပေါ်ဆို ကိစ္စမရှိ၊ ရေလွှတ်ရာကို ဦးတည်မဲ့
ပြေးလွှားနေကြတဲ့အတွက် အရှေ့ဘက် လူနေအိမ်ခြေဘက်တွေဆီ
ပြေးဆင်လာကြတော့တာကိုး-------

တိရစ္ဆာန်တွေတင် သွေးပျက်ခြောက်ခြားနေတာလား-----
မြစ်ရေ၏ စိုးရိမ်ရေအမှတ်ဟာ အတိုင်းအဆမဲ့ ကျော်လွန်နေပြီဆိုတဲ့ သတင်းဟာ
စိတ်ခြောက်ခြားဘွယ်ကောင်းလောက်အောင် တဟုန်ထိုး ပျံ့နှံသွားပါတော့တယ်
မြစ်ရေကို လာကြည့်ကြတဲ့---သူတွေဆိုတာ နည်းနည်းနောနော မဟုတ်ပါဘူး၊
တာရိုး ပေါ်မှာ လူထု ပရိသတ်တွေနဲ့ ပြည့်နေတာပါပဲ၊

မြစ်ရေ သတင်း စနည်းနာရင်း အရိပ်အခြေကြည့်ရင်းနဲ့ ကျီးလန့် အစာစားနဲ့
နေခဲ့ရတဲ့အဖြစ် သတိကို မပြတ်အောင် ထိန်းရင်း စားသတိ သွားသတိ
အိပ်တဲ့အခါမှာ ပို၍ သတိကြီးကြီးထားပြီး ကြက်အိပ် ကြက်နိုး
နေခဲ့ကြရတာမဟုတ်လား

အဲသလို
ဂယောင်ခြောက်ခြားနဲ့ သွေးပျက်သွားကြတဲ့ လူတွေဟာ
မြစ်နားနီးတဲ့ ကျနော်တို့လို လူတွေထက် မြို့ထဲက လူတွေက ပိုပြီး ထိတ်လန့်မှုက
ပိုကြတယ်ထင်ပါတယ်

စားနပ်ရိက္ခာအတွက် စုဆောင်းသူ ရေကြီးချိန်မှာ နေရာဒေသ
ခေတ္တ ရွှေ့ပြောင်းသွားသူတွေတောင် ရှိခဲ့သတဲ့လေ၊
ဟုတ်တာပေါ့ အန္တရာယ်ဆိုတာ မဖြစ်ခင် ကြိုရှောင်တာ ကောင်းတာပေါ့

ဒါဖြင့်-----သည်လောက် မြစ်ဆိပ်နဲ့ နီးနေတာ---
မင်း တို့ မဒဲ(မင်းတဲ)အီကင်းသားတွေရော မကြောက်ဘူးလားလို့
ေ မး ပါ ၊
အမေးရှိရင် အဖြေက ရှိတယ်ပေါ့လေ၊ ဘယ်လောက်အထိများ
ကြောက်သလဲဆို၊ ကြောက်လိုက်ကြပုံများပြောပြပါဦးမယ်-----

ကျနော်လည်း ပုံမှန်အတိုင်း-----လူက ရုံးကိုသာ သွားနေရတာ
စိတ်က အရပ်ထဲ ကျန်ခဲ့တာပေါ့

ရုံးရောက်တော့လည်း အဲဒီ ရေ သတင်း အကြောင်းပါပဲ
မေးကြတာပေါ့--------

ဘယ့်နှယ်လဲ အရမ်းစိုးရိမ်ရလား
တာဘောင်ရိုးကြီးကျိုးသွားလို့ဆို-------
ရှေးတုန်းက တစ်ခါ ကျိုးဘူးတယ်တဲ့----နာရီစဉ်အထိတောင် ရောက်သတဲ့
အို--------ကြောက်စရာကြီးပါလား
ဘုရား ဘုရား--------မတွေးရဲစရာပါလားနော်
ဒုက္ခပဲနော်----------အဲလိုသာဆို ဘယ့်နှယ်လုပ်မလဲ
တစ်ယောက် တစ်မျိုး မရိုးရအောင် စိုးရိမ် ထိတ်လန့်မှုတွေ ရောပြွမ်းလို့

တိုက်တိုက်ဆိုင်ဆိုင်ပါပဲ--------ရုံးမှာ အထက်လူကြီး တစ်ယောက်ကလည်း
ရောက်နေ၊ သူလည်း လေ့လာချင်တယ် ကြည့်ချင်တယ်ဆိုတာနဲ့
ရုံးက အစ်မကြီး တစ်ယောက်ရယ်-------
ကျနော်နေတဲ့ မဒဲအီကင်းဘက်ကို ရုံးကားလေးနဲ့ လာခဲ့ကြသပေါ့

၁၉လမ်းကနေ ကျနော်တို့ မြောက်ဘက် (၈၉)လမ်းဘက်ကို ချိုးကွေ့လိုက်တာနဲ့
လူတွေ လူတွေ--------
အစ်မကြီးက ပတ်ဝန်းကျင်ကို ကြည့်ပြီး ကျနော့်ကို မေးပါတယ်

သည်ကလူတွေ မကြောက်ကြဘူးလား
ဘာ လို့ လဲ
ဟိုမယ်လေ------ဘိလစ်တောက်နေကြတယ်
အင်း
ဟော----ဟိုမှာလည်း-----ကြွေတောင် ပစ်နေလိုက်ကြသေးတယ်
အင်း
အေးဆေးတာဟယ်
ဒါပေါ့
မြို့ထဲကလူတွေ သည်လောက် ထိတ်လန့်နေတာ ဒီကလူတွေ ဘာမှ မဖြစ်ပါလား
ဘာဖြစ်စရာရှိလဲ
ဟိုမှာလည်း လက်ဘက်ရည်ဆိုင်ထဲမှာ ထိုင်ပြီး ဗီဒီယိုကြည့်နေလိုက်ကြတာများ
ငြိမ့်လို့ပါလားတော်
ဟဲ ဟဲ
ဘာရယ်တာလဲ၊ ဒီမှာဖြင့် လာသာ လာရတယ် အထိတ်တလန့် ဖြစ်လို့
သူတို့က သွေးအေးတာ တကယ်ပဲ
သွေးက ရာဇဝင်နဲ့ ချီပြီး နီခဲ့တာကိုး မမရဲ့
ဟွန်း----ငါတို့များ အခုလို လာကြည့်လို့ အရူးလို့များ ထင်နေဦးမလား မသိဘူးနော်
မ ထင် ပါ ဘူး၊ သည်လိုပဲ လာကြည့်နေကြတာပါပဲ
မကြောက်ကြဘူးလားအေ
ဟင့်အင်း သည်ကလူတွေက မကြောက်ပါဘူး
ဘာလို့လဲ ရှင်းပြပါဦး
ဖြစ်မှ မဖြစ်တာ
ဘာလို့ မဖြစ်ရမှာလဲ၊ ကဲ---ဖွဟဲ့ ဖြစ်ပါပြီတဲ့ ဘာလုပ်ကြမလဲ
ဘာလုပ်ရမလဲ မမရယ် တာရိုးပေါ် တက်၊ ကျိုးတဲ့ နေရာနဲ့ ဝေးရာဆီ
ပြေးရုံရှိတော့တာပေါ့၊ ဟား ဟား ဟား
အံ့ပါရဲ့တော်-------ကျိုးတဲ့နေရာနဲ့ တည့်တည့်ကြီးများဖြစ်နေရင် ဘယ့်နှယ်လုပ်မလဲ
အဲတော့လည်း ကံပေါ့။ သေရုံကလွဲပြီး ဘာတတ်နိုင်မှာလဲ
အင်း---တကယ့် အာဂ ရပ်ကွက်သူ ရပ်ကွက်သားတွေပဲ၊ ကဲ--ကိုသတ္တိကရော
အခုလို ဖြစ်နေတဲ့အချိန် ရုံးလာရတာ စိတ်ကော ဖြောင့်ရဲ့လား၊ ထင့်မနေဘူးလား
ထင့် တာ ပေါ့ မမရယ်၊ စိတ်က အရပ်ထဲမှာ ကျန်ခဲ့တာပေါ့
ဟော ပေါ်ပြီ၊ စိတ်ထဲကတော့ အိမ်ကို စိုးရိမ်နေတယ်မဟုတ်လား
အာာာာာာာ--မဟုတ်ပါဘူး၊ ဒီနေ့ Chess (စစ်တုရင်) ပွဲကြီး ပွဲကောင်းရှိလို့
စိတ်ကတော့ အရပ်ထဲ ကျန်ခဲ့တယ်လို့ ပြောတာပါ မမရယ်
မ သာ လေး နှယ် တော်---အမြင်ကပ်တာ တစ်ကယ်ပဲ----ဟုတ် ပါ့
တိန်

(မမနီနီဦး သို့ အမှတ်တရ
-မမနီနီဦးက--မဆဲတတ်ပေမယ့်----အဆဲခိုင်းလိုက်ရတာ ခွင့်လွှတ်ပါနော်----)